VEIWEKANI VAKAVANUA

Na veiwekani e dua na vau kaukauwa e vesuki keda vata na i taukei. E tekivu sara mai noda lomanivale, koro ka qai dewa yani vei ira na veitokatoka, veimataqali se yavusa.

E rua toka na mataqali veiwekani raraba: na kenai matai na veiwekani vakamatavuvale. Oqo e okati kina o ira na tukada, buda, tamada, tinada, veitacini, veiganeni, veivugoni, veitavaleni, noda momo se nei. Na kena i karua ni veiwekani vakavanua ka ra vauci kina na veitabani, veibatiki, veitauvutaki, veimataki kei na mataqali. Oqo e so na kenai i vakamacala lailai me baleta na veiwekani oqo.

Na Mataqali

Oqo e rua na vanua e rau veiwekani vakavanua. E rau dau tutaka vata na cakacaka ni veitaqomaki ki na vanua ka rau qali vata. E rau dau veirokovi oi rau na veiwekani oqo.

Veimataki

Na kedrau i sema vakavanua e na dau vakataduitukutuku. Oqo e dua na i tavi bibi ka rau dau nuitaki vakavanua e na nodaru i tavi.

Na Tauvu

Na kena i balebale ni rau "Vu" vata ko irau oqo. E rau dau veilomani, veidredreti ka veitaqomaki ko i rau na veiwekani oqo. E sega ni rau dau veiwali se veisamei baleta ni rau Vu vata se veitacini na nodrau Vu.

Na Naita

E rau veitabani ka rau dau vakayacora na i vakarau kaukauwa ka rau veisisivi ena veilawakitaki, veisamei ena sala kaukauwa ni nodrau veiwekani.

Na Veibatiki

E rau dau veirokovi ka dau cecere na nodrau veivakaturagataki kei na taqomaki ni vanua ena gauna ni valu.

E na qai vakuri tale yani ........ Fijituwawa.com Research Team

NA I TOVO VAKAVANUA ME BALETA NA VEIWEKANI

A i Lakovi
Ni dua na lewe ni yavusa se mataqali e dau laki tu tani vakadede ka sa laki vakawati, vakaluveni ka qai nanumi me dau laki laurai tale mai. E dau kedra i rai na tabua ka vakavuqa ko ira ka ra laki tu e na nodra koro ni vasu se ni dro e dua na yalewa vakawati e nona koro.

Na Vasu
E dau na gone e vasu ena koro nei tinana e dau tu vei ira e dua na sau ka vakatau vei ira na nodra vakayagataka na kaukauwa oqori. E dau rawa vei ira mera VASUTA se me taura e dua na ka e nodra na weka i tinana se nona momo. E rawa ni vasuta nai yau ka cobota me nona kece na i yau ka dau kenai vakarau me dau cakava e dua na nona magiti ni vakavinavinaka se me i VAKATAKATA NI LIGA. Oqo e dua na magiti levu na vica vata na bulumakau, vuaka kei na vuqa tale.

Na i Bulubulu

Ni dua e cakava e dua na cala vakavanua, e na bulubulu se soro. E dau vakacabori e dua na yaqona se tabua me i bulubulu ka vakatau ena bibi ni cala e vakayacori. E rawa tale ga ni caka na bulubulu vei ira era dau veivala se veicati.

Na Cere

Oqo na nodra kidavaki e dua na mata i lakolako dokai vakavanua. E dau caka na cere me i vakaraitaki ni veidokai ka sega ni ka ni veiwali se qito. E tau veitautaki na cere ka dau cicivi ko ira ka muri tiko mai vanua ko ira na vulagi se qalovi ke ra cici tiko mai. E ra dau vakatagi davui na i taukei ka ra qai cici tiko yani e liu me ra kakua ni toboki mai vei ira na cici cere. Kevaka era na tobo e ra na lau moku. Ni ra sa yacova yani na i yau ni cere, e ra na qai laki dabe ka cobota ka dau nona na ulu ni cere (tabua) o koya e liu duadua.

Na i Qusi ni Loaloa

Ni dua na mataqali se yavusa e caka na nona soqo se ogaoga vakavanua, e ra dau lako tale mai e so na wekadratou me ra ma veivuke. Ni sa oti na soqo, e ratou na qai cakava e dua nai yau kei na kena yaqona kei na kena magiti ko irataou na i taukei ni soqo vei ira na wekadratou mei i vakavinavinaka kei na veidolei ni sa mai caka rawa na soqo. E dau cabo ga na i qusi ni loaloa.

Na i Vakatale

Ni sa dau caka oti na i qusi ni loaloa, e sa na caka tale e dua na kedra i vakatale. E na so na gauna e ratou na cakava o iratou na vakarau lako tiko e dua na nodratou i tatau ka rawa ni caka ga e dua na yaqona se tabua ka vakatau ena bibi ni soqo e caka

Bulu Yava

Ni ra sad au lesu tale na vulagi ka ra sa tiko mai na i taukei, e sa qai lose na yaqona me ra gunuva tiko me ra bulu we ni yava tiko. E sega ni dau cabo e dua na yaqona ka caka me ra nanumi kina ko ira na sa lesu tale.

E na qai vakuri tale yani...Fijituwawa.com Research Team